Bakorera arenga miliyoni 50 buri kwezi, sobanukirwa ubuzima bwa Murungi Sabin na Nameless

Mu Rwanda, hari abagabo babiri bamenyekanye cyane kubera imiyoboro ya YouTube bashinze, aribo Rwandarushya Aimable uzwi nka Nameless Campos washinze Afrimax TV, na Murungi Sabin washinze ISIMBI TV. Izi channels zombi zifite abakunzi benshi kandi zigira uruhare runini mu itangazamakuru ryo mu Rwanda.

Nameless Campos na Afrimax TV

Nameless Campos, amazina ye nyakuri akaba ari Rwandarushya Aimable, ni umuyobozi wa Afrimax TV. Uyu muyoboro wa YouTube watangijwe mu rwego rwo gutangaza inkuru zinyuranye ziganjemo iz’ubuzima bw’abantu, inkuru zidasanzwe, ndetse n’ubuhamya butandukanye. Afrimax TV yaje kwaguka, itangiza indi miyoboro nka Afrimax English, igamije kugera ku bakunzi bo mu bindi bihugu.

Nk’uko bigaragara ku rubuga rwa Social Blade, Afrimax TV ifite aba subscribes barenga miliyoni 3.23. Bivugwa ko iyi miyoboro yinjiza amafaranga asaga miliyoni 36 z’amafaranga y’u Rwanda buri kwezi.

Murungi Sabin na ISIMBI TV

Murungi Sabin ni umuyobozi wa ISIMBI TV, umuyoboro wa YouTube watangijwe mu rwego rwo gutangaza amakuru atandukanye, harimo ay’imyidagaduro, politiki, ubukungu, n’ibindi. ISIMBI TV yamenyekanye cyane kubera ibiganiro byayo bitandukanye ndetse n’uburyo itambutsa amakuru mu buryo bwihuse kandi bwizewe.

Ku rubuga rwa Social Blade, ISIMBI TV ifite aba subscribes barenga miliyoni 1.1. Bivugwa ko uyu miyoboro yinjiza amafaranga asaga miliyoni 23 z’amafaranga y’u Rwanda buri kwezi.

Inkuru zagiye zibavugwaho

Nameless Campos yagiye avugwaho byinshi, harimo no kuba yaragiye muri Tanzaniya gukorera umuhanzi Diamond Platnumz, aho byavuzwe ko byamusabye kujya mu bapfumu kugira ngo abigereho.

Murungi Sabin na we yagiye avugwaho byinshi, harimo no kuba yaragiye gutura mu Bubiligi, aho akomeje ibikorwa bye bya ISIMBI TV. Hari n’ibindi bibazo byagiye bivugwa, ariko akomeza gushimangira ko intego ye ari ugutanga amakuru yizewe kandi agezweho ku bakunzi be.

Gutura mu bindi bihugu

Nameless Campos yaje kwimukira muri Kenya, aho akomereza ibikorwa bye bya Afrimax TV, mu rwego rwo kwagura ibikorwa bye no kugera ku bakunzi benshi mu karere.

Murungi Sabin we yagiye gutura mu Bubiligi, aho akomeje ibikorwa bye bya ISIMBI TV, ndetse akomeza gukurikirana ibikorwa by’itangazamakuru rye no gutanga amakuru ku bakunzi be bari hirya no hino ku isi.

Ibi bikorwa by’aba bagabo bombi byagize uruhare runini mu iterambere ry’itangazamakuru ryo kuri YouTube mu Rwanda, ndetse bikaba byarafashije mu gutanga amakuru atandukanye ku banyarwanda ndetse n’abandi bakunzi b’ibikorwa byabo ku isi hose.