Kanye West mu nzira isubira m’urukundo na Kim Kardashian

Rate this post
Kanye West na Kim Kardashian aho bari basohokeye

Amakuru ari gucicikana hirya no hino mu binyamakuru bikomeye byandika ku byamamare nka TMZ (Thirty Mile Zone) cyo muri Amerika avuga ko Kim Kardashian na Kanye West muri ino minsi bongeye gusubukura umubano wabo. Ibi bivugwa hashingiwe ku kuba aba bombi mu ijoro ryo ku wa kane babonwe bari hamwe gufata amafunguro ya nimugoroba muri imwe muri resitora zikomeye mu mujyi wa Los Angeles.

Ikinyamakuru TMZ cyandika kivuga ko aba bombi (Kanye na Kim) bari kugerageza kwita ku mubano wabo ngo kuko bigaragara ko biri kugenda byiyongera cyane. Ibi byanatumye benshi batangira gutekereza ko Kim ashobora gukuraho ikirego cy’icyifuzo cye cyo gutandukana binyuze mu mategeko nk’uko yari yabitangije.

N’ubwo bari kumwe muri Resitora yitwa Romantic Nobu muri Malibu, ntabwo basangiraga bonyine kuko Kim yarari kumwe n’inshuti ye yitwa Tracy Romulus nawe yari yitwaje umugabo we Ray Romulus. N’ubwo ipfundo ry’urukundo rishobora kuba ryaranze, amakuru yandikwa na TMZ avuga ko Kim na Kanye babanye neza.

Mu kwezi kwa gatatu muri uyu mwaka wa 2021, Kim Kardashian yajyanye ikirego mu mategeko yifuza gutandukana na Kanye West nyuma y’inkuru nyinshi zavugaga ko batari babanye neza.

Nyuma yaho, Kanye West yiteguraga gushira umuzingo w’indirimbo (Album) hanze yise:”Donda”, Kim yagaragaje kenshi ko ari inyuma y’uwo babyaranye aho yagaragaye kenshi yiyambitse kimwe na Kanye.

Kanye na Kim bafitanye abana bane babyaranye mu gihe hafi cy’imyaka 7 bari bamaranye babana nk’umugabo n’umugore kuva muri 2014.

Kim Kardashian aramutse atandukanye na Kanye West burundu yoba abaye umugabo wa gatatu batandukanye nyuma ya Damon Thomas babanye hagati ya 2000 na 2004, uwakanyujijeho muri Basket Kristopher Nathan Hamphries nawe babanye hagati ya 2011 na 2013.   

2 thoughts on “Kanye West mu nzira isubira m’urukundo na Kim Kardashian

  • October 3, 2021 at 5:04 pm
    Permalink

    Turishimira ibiganiro mutugezaho. Biraduhimbara Kandi tubateye intege turi inyuma yanyu.

    Reply
  • November 19, 2021 at 3:52 am
    Permalink

    Приобрести отличные деревянные лестницы можно легко на сайте https://www.ekolestnica.ru/ в любое удобное время. В представленном ассортименте находятся действительно многочисленные долговечные товары, которые могут качественно использоваться. Все лестницы отличаются оптимальными характеристиками и могут поистине долгосрочно применяться. Благодаря применению высокотехнологичных решений, деревянные лестницы по определению можно считать инновационными.

    Reply

Leave a Reply

Your email address will not be published. Required fields are marked *