Agahinda Julian, umukobwa mwiza wavutse nta gitsina agira aterwa n’abagabo bamwirukira

Igihe cyose tukiri kuri iyi si tuzakomeza kubona ibitangaza, ubuzima buzakomeza kuba amayobera. Wigeze wumva bavuga ikiremwa muntu kitagira igice cyihariye? Gusa gumana nanjye nkuhe inkuru y’umukobwa w’imyaka 29 wavutse atagira kimwe mu bice by’ibanga.

Julian Peter w’imyaka 29, ni umukobwa wo mu gihugu cya Kenya wavukanye indwara yitwa ‘Mayer-Rokitansky- Küster-Hauser syndrome (MRKH)’ ituma umukobwa avuka atagira bimwe mu bice by’umubiri.

Uyu mukobwa yavutse atagira igitsina, nyababyeyi ituma umugore abyara, ndetse afite impyiko imwe gusa mu gihe umuntu usanzwe agira ebyiri.

Aganiriza itangazamakuru, yavuzeko akiri umwana muto atajyaga yita ku kuba nta gitsina agira kuko yari afite akenge gato yifashishaga mu bwiherero, ubwo agakeka ko wenda ari uko yari atarakura.

Amaze kugira imyaka 17 yategereje imihango y’abakobwa ariko arayibura niko kwegera umuganga ngo amubaze ibyo aribyo. Nyuma yo kumukorera ibizami byinshi, baje gusanga hari ibice adafite birimo na nyababyeyi ituma umugore abyara.

Julian ni umwe mu gitsina gore bagize ibyago byo kuvukana MRKH kuko bishobora kuba ku muntu 1 muri 4000-5000 aho avuka nta gitsina afite, nta nyababyeyi, ndetse akagira n’impyiko imwe. Bivuga ko aba adashobora kubyara cyangwa ngo ajye mu mihango y’abakobwa nk’abandi.

Nubwo kubona ubuvuzi ku muntu ufite ikibazo gikomeye nkiki, Julian yabashije kubona umuterankunga ajya kwivuriza mu gihugu cya Tanzania aho babashije kumukorera umuyoboro wamufasha gukora imibonano mpuzabitsina.

Yavuze ko abantu babimenye bamwe bamusabaga kujya mubanyamasengesho ngo bamusengere, abandi bakamubwira ko yazajya kwirogoza. Abagabo babyumvaga bamwe bamuhungiraga kure, abandi ahubwo bakifuza kureba imiterere ye yibanga.