Urukingo rwa covid 19 rwabonetse :Umukecuru w’imyaka 90 niwe muntu wa mbere wahawe urukingo

Rate this post

ku isaha ya 06:31 GMT (ni ukuvuga saa mbili n’iminota 31 mu Rwanda no mu Burundi). Nibwo umukecuru witwa Margaret Keenan, w’imyaka 90 uzuzuza imyaka 91 mu cyumweru gitaha, yatewe urushinge rw’urukingo rwa coronavirus ,icyorezo kimaze igihe gihangayikishije isi yose muri rusange.

Uyu mukecuru akomoka mu gihugu cy’Ubwongereza niwe waciye agahigo ko guhabwa urukingo  rwa covid 19 mbere y’abandi bose.

Urwo rukingo yahawe ni rumwe muri doze 800,000 z’urukingo rw’ibigo Pfizer na BioNTech zigiye gutangwa mu Bwongereza mu byumweru biri imbere.

Byitezwe ko izindi doze zigera kuri miliyoni enye zizaba zageze mu Bwongereza mu mpera y’uku kwezi nkoko bitangazwa na BBC.

Abaganga,abageze mu zabukuru kongeraho n’ababitaho nibo bambere b’ibanze bahereweho mu guhabwa uru rukingo rwa covid 19.

Ni mu gihe kandi ibitaro bigera kuri 70 byose byiteguye gutanga urukingo muri iki cyumweru.

Ubwongereza ni cyo gihugu cya mbere ku isi gitangiye gutanga urukingo rwa Pfizer nyuma yuko mu cyumweru gishize abagenzuzi b’imiti bo muri icyo gihugu bemeje ko rutangira gukoreshwa.

Mu Bwongereza, abantu barenga miliyoni 1,7 banduye Covid-19, naho abarenga 61,000 muri bo yarabishe, nkuko imibare ya Kaminuza ya Johns Hopkins yo muri Amerika ibigaragaza

Leave a Reply

Your email address will not be published. Required fields are marked *